նախընտրելի դարձնել
Թունիսի Սիդի Բուզիդե քաղաքում ընդդիմադիր «Միավորված հայրենասեր ժողովրդավարների կուսակցության» առաջնորդ Չոքրի Բելաիդի սպանության հետ կապված բողոքի ակցիան վերաճել է ոստիկանության հետ բախումների: Շուրջ 200 ցուցարարներ հարձակվել են ոստիկանության բաժանմունքի վրա: Ոստիկանները արցունքաբեր գազ են կիրառել ցուցարարներին ցրելու համար:
Տարերային բողոքի ակցիաներ են տեղի ունենում Թունիսի շատ քաղաքներում: Սֆաքսում, Քասրինում, Կեֆում, Բեժում եւ Բիզերթում ժողովուրդը դուրս է եկել փողոցներ:
Ցուցարարները հարձակվել են Թունիսում իշխող իսլամիստական «Ան Նահդա» (Վերածնունդ) կուսակցության տեղական գրասենյակների վրա: Մի քանի հազար մարդ ցույցի է ելել երկրի մայրաքաղաքում` ՆԳՆ շենքի դիմաց: Ցուցարարները երգում են ազգային հիմներգը եւ իշխող կուսակցության դեմ կարգախոսներ հնչեցնում:
Ավելի վաղ NEWS.am-ը հայտնել էր, որ Թունիսում սպանվել է ընդդիմության առանցքային գործիչներից մեկը` Չոքրի Բելաիդը: Նա գնդակահարվել է փետրվարի 6-ին, իր տան մոտ: Գնդակներից մեկը դիպել է պարանոցին, մյուսը` գլխին: Ընդդիմադիր գործչին տեղափոխել են հիվանդանոց, սակայն բժիշկներին չի հաջողվել փրկել նրա կյանքը:
Ինչպես հայտնում է
Ընդդիմության ավելի քան հազար ներկայացուցիչներ դուրս են եկել բողոքի ակցիայի Թունիսի ՆԳՆ-ի մոտ: Փետրվարի 2-ին Բելաիդը կառավարող «Ան Նահդա» (Վերածնունդ) կուսակցությանը մեղադրել է իրենց կուսակցության անդամների վրա հարձակումների մեջ:
