նախընտրելի դարձնելՀայկական «Horizon» ընկերության փաստաբանները Լոս Անջելեսի առաջին ատյանի դատարան հայց են ներկայացրել «Charter Communication» ընկերության դեմ, հաղորդում է «Asbarez»-ը: Հայցն ուղղված է «Charter Communication»-ի որոշման դեմ, որով «Horizon» հեռուստաալիքը կամայականորեն զրկվել է Գլենդել, Բըրբենք եւ Լա Կրեսենտա քաղաքներում հեռարձակումից:
Հայցում նշվում է, որ «Charter Communication»-ը խախտել է «Horizon»-ի հետ պայմանագիրը. 2012թ. դեկտեմբերին ընկերությունը 2013 թ. համար պայմանագիր էր կնքել հեռուստաալիքի հետ, սակայն առանց բացատրության հունվարի 10-ին «Horizon»-ին տեղեկացրել էր հեռարձակումը դադարեցնելու մասին:
Հայ համայնքը զայրույթով էր արձագանքել «Charter Communication»-ի որոշմանը եւ աջակցություն հայտնել «Horizon»-ին, հազարավոր ստորագրություններ էին հավաքվել, բողոքի ակցիաներ էին կազմակերպվել «Charter Communication»-ի գրասենյակի դիմաց:
«Horizon» հեռուստալիքը գործարկվել էր 1989թ-ին` հայ համայնքին տեղեկատվություն մատուցելու առաքելությամբ:
