նախընտրելի դարձնելՎարչապետ Տիգրան Սարգսյանի գլխավորությամբ կառավարությունում տեղի է ունեցել «Գյուղական կարողությունների ստեղծում» եւ «Շուկայավարման հնարավորություններ ֆերմերներին» ծրագրերի ղեկավար խորհրդի հերթական նիստը:
Անցնելով օրակարգային հարցերին՝ խորհուրդը քննարկել է ծրագրերի 2012 թվականի տարեկան աշխատանքային պլան-բյուջեների կատարողականը, այնուհետեւ հաստատել «Գյուղական կարողությունների ստեղծում» եւ «Շուկայավարման հնարավորություններ ֆերմերներին» ծրագրերի 2013 թվականի տարեկան աշխատանքային ծրագրերի բյուջեն:
Անդրադարձ է կատարվել 2012թ նոյեմբերի 5-23-ը «Շուկայավարման հնարավորություններ ֆերմերներին» ծրագրի, ինչպես նաեւ «Գյուղական կարողությունների ստեղծում» ծրագրի Գյուղատնտեսության զարգացման միջազգային հիմնադրամի /ԳԶՄՀ/ վերահսկողության առաքելության պատվիրակության այցելության հուշագիր-հաշվետվություններին:
Խորհրդին են ներկայացվել նաեւ «Գյուղական կարողությունների ստեղծում» ծրագրի Հասարակական ենթակառուցվածքային ներդրումներ բաղադրիչի շրջանակում` ներդրումների տնտեսական նպատակահարմարության եւ ուսումնասիրության արդյունքները:
Քննարկվել են ընթացիկ այլ հարցեր եւս:
