նախընտրելի դարձնելԳերմանիայի կանցլեր Անգելա Մերկելը փետրվարի 24-ին այցելել է Թուրքիա` Սիրիայի սահմանից 100 կմ հեռավորության վրա գտնվող Ղահրամանմարաշ քաղաքում երկու Patriot զենիթահրթիռային համալիրները տեսնելու:
Այցի նախօրեին Մերկելը կողմ է արտահայտվել ԵՄ կազմում Թուրքիայի ընդգրկվելուն` նշելով, որ «մեր առջեւ դեռ երկար ճանապարհ կա», հայտնում է ՎԶԳԼՅԱԴ-ը:
ԳԴՀ-ի կանցլերը փետրվարի 25-ին Անկարայում կհանդիպի Թուրքիայի վարչապետ Ռեջեփ Թայիփ Էրդողանի հետ: Հանդիպման ժամանակ բացի երկկողմ հարաբերություններից, կքննարկի նաեւ Սիրիայի խնդիրը:
«ՌՒԱ Նովոստին» գրում է, որ փետրվարի 25-ին նախատեսվում է կանցլերի այցը Կապադովկիա` պատմական տեղանք, որը մտնում է ՅՈՒՆԵՍԿՕ-ի Համաշխարհային ժառանգության ցանկում: Նա կայցելի Գյորեմե ազգային այգի, քրիստոնեական հնագույն եկեղեցիների համալիր: Նրան կուղեկցի Թուրքիայի մշակույթի եւ զբոսաշրջության նախարար Օմեր Չելիկը:
