նախընտրելի դարձնելՌուսաստանի ՆԳՆ-ի տնտեսական անվտանգության եւ հակակոռուպցիոն Գլխավոր վարչության աշխատակիցները կեղծ ալկոհոլի արտադրության կանխման խոշոր գործողություն են իրականացրել:
Պարզվել է, որ առանց ակցիզի ալկոհոլի արտադրությունը կազմակերպվել էր վրացիների կողմից: Կեղծված ապրանքներն իրացվել էին Մոսկվայում եւ Մերձմոսկվայում՝ հայրենական եւ արտասահմանյան հայտնի արտադրողների ապրանքատեսակների անվան տակ: Ատադրամասը գտնվել է Վլադիմիրսկի մարզի Ֆրունզե ավանի նախկին կահույքի գործարանում: Հասցված վնասը կազմել է 42 միլիոն ռուբլի:
Գործողության երկրորդ փուլում ոստիկանները հայտնաբերել են Վլադիմիրսկի մարզի Կովրովում գտնվող կեղծ ալկոհոլի արտադրության ընդհատակյա եւս մեկ գործարան: Այստեղ շշալցվում էր պորտվեյն: Տեխնոլոգիական սարքավորումներն ապամոնտաժվել են, կեղծ ալկոհոլը հանվել է շրջանառությունից, հայտնում է «Ռոսբալտը»:
Ոստիկանները խուզարկություն են անցկացրել առեւտրային ընկերության գրասենյակում: Առգրավվել են փաստաթղթեր, հաշվապահական թղթեր, ալկոհոլային արտադրանքի նմուշները, ինչպես նաեւ օրինական ալկոհոլ արտադրող ձեռնարկությունների կեղծ կնիքները:
Հյուսիսային Օսիայի Հանրապետություն-Ալանիա տարածքում իրականացված գործողության եզրափակիչ փուլում ոչնչացվել է օղու եւ կոնյակի ընդհատակյա արտադրամաս: Հայտնաբերված պատրաստի արտադրանքի արժեքը կազմել է 40 միլիոն ռուբլի:
