նախընտրելի դարձնելԱնհրաժեշտ է սուբսիդավորել ներկրմանը փոխարինող եւ արտահանմանն ուղված արտադրությունը: Լրագրողներին այսօր` մարտի 11-ին, նման կարծիք է հայտնել Հայրենական ապրանք արտադրողների միության նախագահ Վազգեն Սաֆարյանը: «Այդ ծրագրերը պետք է աջակցություն ստանան պետության կողմից», – հավելել է նա:
Այդ կապակցությամբ Սաֆարյանը դրական է գնահատել մանր եւ միջին բիզնեսի պետական վարկավորումը 1-12% հասանելի տոկոսադրույքներով` ծրագրերի հեռանկարային լինելու դեպքում 3 տոկոս սուբսիդավորման հնարավորությամբ: Վարկավորումն իրականացվում է «ՓՄՁ ներդրումներ» ունիվերսալ վարկային պետական կազմակերպության կողմից:
Այնուամենայնիվ, Սաֆարյանը հավելել է, որ մասնավոր հատվածի վարկավորման գործում պետության մասնակցությունը պետք է ընդլայնվի եւ դուրս գա փոքր եւ միջին բիզնեսի սահմաններից: «Ռուսաստանում տոկոսադրույքները համադրելի են մեր տոկոսադրույքներին, սակայն այն առանձնանում է մեզանից ֆինանսական շուկայում պետական խոշոր բանկերի առկայությամբ», - նշել է Սաֆարյանը:
