Հայաստանի մարդու իրավունքների պաշտպան Կարեն Անդրեասյանը շարունակում է ներկայացնել 2012 թվականի իր զեկույցն՝ ըստ ոլորտների:

Ըստ զեկույցի՝ Էկոնոմիկայի նախարարության գործունեության ոլորտում արձանագրվել են հետեւյալ  թերացումները.

•         Դեռեւս բավարար չէ փոքր եւ միջին ձեռնարկատիրության զարգացմանն ուղղված արդյունավետ օրենսդրական եւ այլ մեխանիզմների ներդրումը:

•         Բազմաթիվ դեպքեր են արձանագրվել կապված` լիցենզավորման եւ թույլտվությունների գործակալության կողմից լիցենզիաների տրամադրման ընթացքում ոչ միասնական մոտեցում ցուցաբերելու դեպքերը կանխելու ուղղությամբ բավարար միջոցառումների կիրառման բացակայության հետ:

•         Չեն իրականացվել անհրաժեշտ միջոցառումներ տնտեսության ավանդական ոլորտների զարգացումն ապահովելու եւ դրանք վերացումից պաշտպանելու համար:

•         Բազմաթիվ խախտումներ են արձանագրվել ապրանքների պարտադիր մակնշմանն առաջադրվող պահանջների պահպանման վերաբերյալ:

•         Խիստ մտահոգիչ է սպառողների իրավունքների ապահովման եւ պաշտպանության բնագավառում անհրաժեշտ համալիր միջոցառումների իրականացման արդյունավետության ցածր մակարդակը:

•         Մի շարք թերություններ են գրանցվել՝ տեխնիկական կանոնակարգերի պահանջները եւ չափագիտական կանոններն ու նորմերը չպահպանելու կապակցությամբ:

Արձանագրված դրական զարգացումներ

•         2012թ. ընթացքում զբոսաշրջության զարգացման բնագավառում Նախարարության կողմից իրականացվել են մի շարք միջոցառումներ:

•         Տարբեր ոլորտներում իրավախախտում թույլ տված մի շարք տնտեսավարող սուբյեկտներ ենթարկվել են պատասխանատվության:

•         Նախարարությունը քաղաքացիների կողմից ստացել է 56 շնորհակալական նամակներ «Թեժ գիծ» ծառայության կողմից համապատասխան արձագանք ստանալու կապակցությամբ:

•         Ողջունելի է տեղեկատվական տեխնոլոգիաների զարգացման ուղղությամբ որդեգրած պետական քաղաքականությունը: