նախընտրելի դարձնելԵվրոպայի խորհրդի գլխավոր քարտուղար Տուրբիերն Յագլանդը մայիսի 20-ին ժամանել է Սոչի, որտեղ հանդիպել է Ռուսաստանի արտգործնախարար Սերգեյ Լավրովի հետ: Կողմերը քննարկել են Եվրոպայի խորհրդի բարեփոխումները` նրա գործունեության բարելավման եւ ՄԻԵԴ-ի առավել արդյունավետ աշխատանքի համար: Դա գլխավոր քարտուղարի հիմնական ծրագրերից մեկն է, նշում է RFI-ն:
Սպասվում է նաեւ Յագլանդի հանդիպումը Վլադիմիր Պուտինի, ինպես նաեւ ՌԴ Պետդումայի նախագահ Սերգեյ Նարիշկինի եւ արդարադատության նախարար Ալեքսանդր Կոնովալովի հետ:
Հանդիպման սկզբում Ռուսաստանի ԱԳՆ-ի ղեկավար Սերգեյ Լավրովը հայտնել էր, որ քննարկվող հարցերի թվում են Կազմակերպության բարեփոխման վերաբերյալ Ռուսաստանի առաջարկները:
Ըստ նախարարի` ռուսական ղեկավարությունը հատուկ դեր է հատկացնում Եվրոպայի խորհրդի ամրապնդմանը, եւ այն փաստը, որ ԵԽ-ն հետեւողականորեն ապահովում է իրավական հարթության միասնականությունը Եվրոպական տիրույթում, մեծ ձեռքբերում է, հաղորդում է «ՌԻԱ Նովոստին»:
Եվրոպայի խորհրդի բարեփոխումը Խորհրդի գործող գլխավոր քարտուղարի հիմնական ծրագրերից է: Կազմակերպության բարեփոխումը վերաբերում է ինչպես արտաքին, այնպես էլ կազմակերպության ներքին բաղադրիչներին (Խորհրդի քարտուղարության վերափոխմանը, ինչպես նաեւ Ստրասբուրգի դատարանի աշխատանքում փոփոխություններին եւ այլն):
