նախընտրելի դարձնելԹմրամիջոցների եւ թմրամոլության եվրոպական մոնիտորինգի կենտրոնի ղեկավար Վոլֆգանգ Գոցի հրավերով, մայիսի 21-23-ին Պորտուգալիայի մայրաքաղաք Լիսաբոնում կգտնվի Ազգային անվտանգության խորհրդի քարտուղար, Հայաստանում թմրամոլության եւ թմրամիջոցների ապօրինի շրջանառության դեմ պայքարի հարցերը համակարգող միջգերատեսչական հանձնաժողովի նախագահ Արթուր Բաղդասարյանը:
ԱԱԽ մամուլի ծառայությունից հայտնում են, որ նա կմասնակցի թմրամոլության եւ թմրամիջոցների ապօրինի շրջանառության դեմ պայքարի հարցերին նվիրված «REITOX շաբաթ» միջազգային համաժողովին, ուր ներկայացված են 42 պետությունների ներկայացուցիչներ:
Վոլֆգանգ Գոցի հետ հանդիպման ժամանակ կքննարկվեն «REITOX» թմրամոլության եւ թմրամիջոցների եվրոպական ցանցում Հայաստանի ընդգրկման, Հայաստանում թմրամոլների վերականգնողական կենտրոնի ստեղծմանը, ինչպես նաեւ Հայաստանի Ազգային անվտանգության խորհրդի եւ թմրամիջոցների ու թմրամոլության եվրոպական մոնիտորինգի կենտրոնի միջեւ համագործակցության հուշագրի ստորագրմանը վերաբերող հարցեր: Նախատեսվում են նաեւ Արթուր Բաղդասարյանի պաշտոնական այլ հանդիպումներ երկկողմ եւ միջազգային ձեւաչափով:
