նախընտրելի դարձնելՄեծ Բրիտանիայի թագավորական ընտանիքում հուլիսին ակնկալվող համալրմանը սպասում է ողջ Մեծ Բրիտանիան: Կարծում են, որ շժառանգի ծննդյան հետ կապված հուշանվերների եւ ապրանքների վաճառքի ծավալը կհասնի 243 միլիոն ֆունտ ստեռլինգի (380 մլն դոլար):
Նորածնի շնորհիվ մեծ գումարներ կշահի ոչ միայն տնտեսությունը, այլեւ թագավորական ընտանիքը: Թագավորական խորհրդանշաններով ապրանքներն արդեն վաճառվում են թագավորական խանութների ցանցում: Հավանաբար թոռնիկի կամ թոռնուհու շնորհիվ լավ կվաստակեն նաեւ Քեյթ Միդլթոնի ծնողները, որոնք իրենց խանութներում թոռան ծննդի հետ կապված մի քանի տեսակի ապրանքներ են վաճառքի դրել, գրում է «Կոմսոմոլսկայա պրավդան»՝ վկայակոչելով Daily Mail-ին:
Ըստ տնտեսագետների գնահատման՝ մոտ 4.8 մլն բրիտանացիներ նորածնի ծնունդը նշելու նպատակով գնվելիք 3 մլն շիշ շամպայնի եւ գինու համար կծախսեն 62 մլն ֆունտ: Եվս 25 մլն կծախսվի տոնախմբությունների համար:
56 միլիոնի հուշանվերներ կգնվեն, 76 միլիոնի՝ գրքեր, DVD-ներ եւ տեղեկատվության այլ կրիչներ: Անգամ խաղալիքները մեծ ծախսեր կպահանջեն՝ 24 մլն ֆունտ:
