նախընտրելի դարձնել
ԱՄՆ-ի Շտաբերի պետերի միացյալ կոմիտեի ղեկավարի նախկին տեղակալ, 63-ամյա գեներալ Ջեյմս Քարթրայթը գաղտնի տեղեկատվության արտահոսքի մեջ է կասկածվում:
NBC-ն հայտնում է, որ նա կարող էր խառը լինել Իրանի միջուկային օբյեկտների վրա ԱՄՆ-ի կիբերհարձակման մասին գաղտնի տեղեկատվության բացահայտման գործին:
Խոսքը Stuxnet վիրուսի մասին է, որը 2010թ. ներդրվել էր Իրանի միջուկային կայանների համակարգիչներում` շարքից հանելով ուրանի հարստացման համար կիրառվող ցենտրիֆուգները, հայտնում է lenta.ru-ն: Վիրուսի ստեղծումը վերագրվում է ամերիկացիներին եւ Իսրայելի հատուկ ծառայություններին:
Մեկ տարի առաջ The New York Times-ը հայտնել էր «Օլիմպիադա» անվամբ գործողության մասին, որն սկսվել էր Ջորջ Բուշ Կրտսերի օրոք եւ շարունակվել ներկայիս նախագահ Բարաք Օբամայի օրոք: Հաղորդվել էր գործողության մանրամասների մասին, այդ թվում նաեւ Իսրայելի հետախուզության հետ ամերիկացիների համագործակցության մասին, գրում է «Ռոսբալտը»:
Ջեյմս Քարթրայթը 2007-2011թթ. եղել է ԱՄՆ-ի Միացյալ հանձնաժողովի շտաբերի ղեկավարի տեղակալը` ԱՄՆ-ի զինված ուժերում երկրորդ մարդը:
Տեղեկատվության արտահոսքի մասին լուրը հաղորդվել էր Էդվարդ Սնոուդենի հետ կապված սկանդալին զուգահեռ:
