նախընտրելի դարձնել
Ճապոնիայի մայրաքաղաք Տոկիոյում տղամարդը դանակով հարձակվել է տարրական դպրոցի աշակերտների վրա: Տուժել են երեք երեխաներ, հանցագործը մեքենայով փախուստի է դիմել:
NHK հեռուստաալիքը, վկայակոչելով տեղի ոստիկանությանը, հայտնել է, որ միջադեպը տեղի է ունեցել Տոկիոյի Ներիմա թաղամասում` տեղի ժամանակով ժ. 13.40-ին, հաղորդում է «ՌԻԱ Նովոստին»:
30 տարեկանին մոտ տղամարդը երեխաների վրա էր հարձակվել Օիձումի տարրական դպրոցի մուտքի մոտի խաչմերուկում, երբ աշակերտները լուսացույցի նշանին են սպասելիս եղել: Վեց տարեկան երկու տղա վիրավորվել են պարանոցից, յոթ տարեկան մի երեխա էլ` ձեռքից: 40 րոպե անց կասկածյալը ձերբակալվել է Սայթամա նահանգի Միյոսի ավանում: Ձերբակալվածի ինքնությունը չի հաղորդվում: Մանրամասներն առայժմ հայտնի չեն:
