Այսօր` հունիսի 26-ին դանակահարություն է տեղի ունեցել Լոռիի մարզի Վանաձոր քաղաքում:

Երկու օր առաջ Վանաձորում դանակահարված 35-ամյա դասախոս Վասիլի Գեւորգյանը վերակենդանացման բաժանմունքից տեղափոխվել է հիվանդասենյակ, եւ նրա վիճակը գնահատվում է բավարար: Այս մասին NEWS.am-ի Լոռիի թղթակցի հետ զրույցում հայտնեց Վանաձորի բժշկական կենտրոնի տնօրեն Մհեր Մարգարյանը, հավելելով, որ Վասիլի Գեւորգյանը եկող շաբաթ հավանաբար դուրս կգրվի: Հիշեցնենք, որ հունիսի 26-ին, դանակահարություն էր տեղի ունեցել Վանաձոր  քաղաքում: Կինոյի եւ թատրոնի պետական ինստիտուտի Վանաձորի մասնաճյուղից դանակահարված վիճակում հիվանդանոց էր  տեղափոխվել նույն ինստիտուտի դասախոս, 35-ամյա Վասիլի Գեւորգյանը:

Վերջինիս ժամը 14-ի սահմաններում տեղափոխել էր Վանաձոր քաղաքի բժշկական կենտրոնի վերակենդանացման բաժանմունք, որտեղ էլ նրա վիճակը գնահատվել էր   ծանր:

Ոստիկանության կողմից պարզվել է, որ դանակահարությունը կատարել է Վանաձոր քաղաքի բնակիչ 29-ամյա Ակսել Մխիթարյանը, ով մեղայականով ներկայացել է ոստիկանության Վանաձորի բաժին եւ ձերբակալվել: 

Դեպքի առթիվ  Լոռիի մարզի քննչական բաժանում քննիչ Արեն Մնացականյանի կողմից  հարուցվել է քրեական գործ` քրեական օրենսգրքի 112 հոդվածի 2-րդ մասի հատկանիշներով:

Լուսանկարներն` Էդվարդ Արզումանյանի