նախընտրելի դարձնել
Վրաստանի ներքին գործերի նախարար Իրակլի Ղարիբաշվիլին հուլիսի 1-ին ժամանում է Հայաստան: Նա մի շարք հանդիպումներ կունենա երկրի բարձրագույն ղեկավարության, այդ թվում՝ ՀՀ նախագահ Սերժ Սարգսյանի հետ:
«Նովոստի Գրուզիան», վկայակոչելով հանրապետության ՆԳՆ-ի մամուլի ծառայությանը, հայտնում է, որ այցի ընթացքում Իրակլի Ղարիբաշվիլին կհանդիպի նաեւ Հայաստանի ոստիկանապետ Վլադիմիր Գասպարյանի, երկրի Ազգային անվտանգության ծառայության պետ Գորիկ Հակոբյանի եւ ԱԻ նախարար Արմեն Երիցյանի հետ:
Հանդիպմանը կողմերը կքննարկեն իրավապահ ոլորտում երկկողմ համագործակցության հարցեր: Զրույցը կվերաբերի նաեւ վերջին ժամանակներս ներքին գործերի նախարարությունում իրականացրած բարեփոխումներին եւ այդ ուղղությամբ նախատեսված այլ միջոցառումների:
Վրաստանի ներքին գործերի նախարարի այցը Հայաստան կավարտվի հուլիսի 2-ին:
