ՄԱԿ-ի գլխավոր քարտուղար Բան Կի-Մունը պահանջել է «Եգիպտոսում վերականգնել քաղաքացիական կառավարումը` ժողովրդավարության սկզբունքներին համապատասխան»: Այս մասին ասված է կազմակերպության մամուլի ծառայության հաղորդագրության մեջ: 

Բան Կի-Մունը նորից հանգստության,  բռնի գործողություններից զերծ մնալու, երկխոսության եւ զսպվածության  կոչ է արել:  «Հիմնարար իրավունքների, խոսքի եւ հավաքների  ազատության պահպանումը կարեւոր դեր ունի», - ասված է հաղորդագրության մեջ, մեջբերում է «ՌԻԱ Նովոստին»:

Ըստ Բան Կի-Մունի` իրավիճակին «ռազմական միջամտությունը» տվյալ դեպքում լրջորեն անհանգստացնում է: 

Հիշեցնենք, որ հուլիսի 3-ի երեկոյան Եգիպտոսի ռազմական հրամանատարությունը պաշտոնանկ էր արել  Եգիպտոսի նախագահ Մուհամեդ Մուրսիին եւ չեղյալ հայտարարել երկրի Սահմանադրությունը:

Ռազմական հեղաշրջում Եգիպտոսում. գեներալները պաշտոնանկ են արել նախագահին եւ չեղյալ հայտարարել Սահմանադրությունը 

Ըստ վերջին տվյալների` Մուհամեդ Մուրսին գտնվում է կալանքի տակ:

Եգիպտոսի պաշտոնանկ արված նախագահը կալանավորվել է