Երեւանի քաղաքապետարանի  եւ վարչական շրջանների ղեկավարների աշխատակազմերում քաղաքապետ Տարոն Մարգարյանի հանձնարարությամբ սահմանված է քաղաքացիների ընդունելության հստակ ժամանակացույց, ինչը եւս մեկ հնարավորություն է լսելու մայրաքաղաքի բնակչությանը մտահոգող խնդիրներն ու առաջարկությունները եւ դրանց հնարավոր լուծումներ տալու:

Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե 2013 թվականի առաջին կիսամյակի ամփոփ տվյալներով՝  Երեւանի քաղաքապետարանում կազմակերպված ընդունելություններին շուրջ 2000  քաղաքացի է մասնակցել, որոնցից 146-ը միայն հունիս ամսվա ընթացքում: Ներկայացված բոլոր հարցերին տրվել են դրական լուծումներ եւ սպառիչ պատասխաններ: 

Հունվար-հունիս ամիսների ընթացքում վարչական շրջանների ղեկավարների աշխատակազմերում տեղի ունեցած ընդունելություններին մասնակցել է 3275 քաղաքացի: 2492 բնակիչի  բարձրացրած  հարցերին դրական լուծում է տրվել,  524  քաղաքացիների բարձրացրած հարցի հետ  կապված էլ  տեղում ամբողջական եւ սպառիչ պատասխան է տրվել:   259 հարց  ընթացքի մեջ է: Երեւանի քաղաքապետ Տարոն Մարգարյանի հանձնարարությամբ  հատուկ հսկողություն է իրականացվում ընթացքում գտնվող հարցերի նկատմամբ:  Հիշեցնենք, որ վարչական շրջանների ղեկավարների կողմից քաղաքացիների ընդունելությունները կազմակերպվում են յուրաքանչյուր հինգշաբթի: