նախընտրելի դարձնել
Հայաստանի գլխավոր դատախազ Աղվան Հովսեփյանը Շիրակի մարզում ոչ մի գաղտնի քննարկում չի անցկացրել, քանի որ հանդիպմանը մոտավորապես 30 պաշտոնյա էր ներկա, իսկ 30 մարդու հետ ի՞նչ գաղտնի քննարկում պետք է լիներ: Այս մասին NEWS.am-ի թղթակցի հետ զրույցում ասաց Շիրակի մարզպետ Ֆելիքս Ցոլակյանը՝ անդրադառնալով Շիրակի մարզում ՀՀ դատախազ Աղվան Հովսեփյանի հանդիպմանը:
Նա տեղեկացրեց, որ դատախազ Աղվան Հովսեփյանը գնացել էր կիսամյակն ամփոփելու, իսկ հանդիպմանը մասնակցել են ուժային կառույցների ղեկավարները եւ ինքը՝ որպես մարզպետ:
Ֆելիքս Ցոլակյանի խոսքով՝ կրիմինալի մասին խոսք անգամ չի եղել: Նա խորհուրդ տվեց նաեւ կրակոցները մոռանալ, ինչպես նաեւ նշեց, որ հիմա մարզում իրավիճակը նորմալ է: «Դատախազին պարզապես ներկայացվել է կատարված աշխատանքները եւ նա իր դիտողություններն ու առաջարկություններն է արել»,- սահմանափակվեց Ֆելիքս Ցոլակյանը:
