Սեպտեմբերի 5-ին Սանկտ Պետերբուրգի Կոնստանտինյան պալատում սկսված G20-ի աշխատանքը լուսաբանում են շուրջ երկու հազար  լրագրողներ: Մեկ օրում մամուլի ներկայացուցիչները կերել են ավելի քան 20 տոննա մթերք:

«Ռեստորանում մեկ օրում սպասարկել են 1500 մարդու: 26 տոննա մթերք է սպառվել, - ասել է Ռուսաստանի նախագահի մամուլի քարտուղար Դմիտրի Պեսկովը: - Շատ եք ուտում»:

Պեսկովը հավելել է, որ գագաթաժողովին մասնակցում է 1882 լրագրող: Նրանց Ստրելնի միջազգային կենտրոն հասցնում են «մետեորներով», հայտնում է dni.ru-ն: Արդեն իրականացվել է 104 չվերթ: Յուրաքանչյուր օդանավ օրը 100 կմ է հաղթահարում: 

Լրագրողների աշխատանքի համար կազմակերպիչները մամուլի մի ամբողջ քաղաք են  ստեղծել: Այն գտնվում է Կոնտանտինյան պալատից ոչ հեռու: Մամուլի քաղաքի եւ պատվիրակության կենտրոնի  աշխատանքն ապահովելու համար ներգրավված են 500 կամավորներ:

Կոնստանտինյան պալատ լրագրողների մեծ մասը չի կարողանում մտնել. առաջնահերթությունը տրված է լուսանկարիչներին եւ օպերատորներին: Հավատարմագրված լրագրողների մեծ մասը տեղեկությունն ստանում է  անմիջապես մամուլի կենտրոնից, որտեղ կազմակերպվել են միջոցառումների տեսահեռարձակումներ, պատվիրակությունների տեղեկատվական ճեպազրույցներ: