նախընտրելի դարձնել
The Walt Disney Co. ընկերությանը պատկանող ABC հեռուստաընկերությունը ներողություն է խնդրել իր եթերում հնչած «բոլոր չինացիներին սպանելու» կոչի համար:
Jimmy Kimmel Live շոուի ընթացքում դերակատար երեխաներից մեկն առաջարկել էր «Չինաստանում բոլորին սպանել՝ ԱՄՆ-ին պետպարտքից ազատվելու հարցում օգնելու համար», The Wall Street Journal-ը վկայակոչելով հայտնում է gazeta.ru-ն:
ABC-ի ներկայացուցիչը ներողություն հայցող նամակ է գրել՝ հայտնելով, որ «հեռուստաընկերությունը երբեք գիտակցաբար չի ցանկացել ցուցադրել մի բան, որը կարող էր վշտացնել Չինաստանի բնակիչներին կամ ասիացիներին ընդհանուր առմամբ»:
Տեսանյութը հեռացվել է բոլոր կայքերից: Շոուի հաջորդ թողարկման ընթացքում եւս հաղորդավարը ներողություն է հայցել:
