ՀՀ-ում տեղակայված ռուսական 102-րդ  ռազմաբազայում ավարտվել են սպառազինությունը եւ տեխնիկան բարձրլեռնային շրջաններում շահագործման ձմեռային ռեժիմի վիճակին բերելու միջոցառումները:

Հարավային ռազմական օկրուգի մամուլի ծառայությունը հայտնում է, որ նախապատրաստական ժամանակահատվածի նախօրեին իրականացվել էին հրահանգավորման եւ մեթոդաբանական  պարապմունքներ, ուսումնասիրվել էին  տեխնիկայի շահագործման փաստաթղթերը, անվտանգության միջոցառումների իմացության ստուգարքներ էին  հանձնվել: 

Մեկ ամսվա ընթացքում փոխել են ամբողջ տեխնիկայի հեղուկները եւ յուղերը, կատարվել են սպասարկման այլ աշխատանքներ: Սպասարկվել է 900 միավոր տեխնիկա: Սպասարկման  աշխատանքների  համար տրամադրվել են 5 տոննա տարատեսակ յուղեր եւ հեղուկներ:

Սեզոնային տեխնիկական սպասարկումն ավարտելուց հետո ռազմաբազայի հանձնաժողովը կստուգի աշխատանքի արդյունքները: