68-ամյա Գեւորգ Մ.-ն մեղադրվում է եղբոր թոռնուհու մոտ անառակաբարո գործողություններ կատարելու մեջ: Արարատի եւ Վայոց Ձորի մարզի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ: 

Գործի նյութերի համաձայն՝ 68-ամյա Գեւորգ Մ.-ն, հայրական տան եւ հողամասի բաժանման հարցի շուրջ այս տարվա հոկտեմբերի 6-ին Արարատի մարզի գյուղերից մեկում գտնվող իրենց տան տնամերձ հողամասում եղբոր կնոջ` Ֆրիդա Մ.-ի ներկայությամբ, եղբոր թոռնուհի` ակնհայտ 16 տարին չլրացած Գ. Մ.-ի սեռական բնազդը գրգռելու եւ անառողջ սեռական հետաքրքրություն առաջացնելու համար կատարել է անառակաբարո գործողություններ: Այն է`իջեցրել է իր սպորտային անդրավարտիքը:

Քրեական գործ է հարուցվել 142  հոդվածի 1-ին մասով (ակնհայտ տասնվեց տարին չլրացած անձի նկատմամբ անառակաբարո գործողություններ կատարելը` սույն օրենսգրքի 140-րդ կամ 141-րդ հոդվածով նախատեսված հանցանքների հատկանիշների բացակայության դեպքում): Սույն հոդվածը պատժվում է տուգանքով` նվազագույն աշխատավարձի 200-400-պատիկի չափով,  կամ ազատազրկմամբ` առավելագույնը 2 տարի ժամկետով: Խափանման միջոց է ընտրվել բնակավայրից չհեռանալու մասին ստորագրությունը:

Գործը դատարան է ստացվել նոյեմբերի 26-ին: Առաջիկայում կնշանակվի դատական քննության օրը: