նախընտրելի դարձնել
Եվրոպական խորհուրդը գագաթաժողովի ամփոփիչ փաստաթղթում ընդգծել է ԵՄ-ի, ՌԴ-ի եւ Ուկրաինայի միջեւ գազամատակարարման վերաբերյալ եռակողմ բանակցությունների կարեւորությունը:
«Եվրոպական խորհուրդն ընդգծում է ԵՄ-ի հակվածությունը եռակողմ բանակցություններին՝ ՌԴ-ից Ուկրաինա գազամատակարարման հարցով, եւ բարձր է գնահատում Եվրահանձնաժողովի ջանքերն այդ կապակցությամբ:
Արագ համաձայնության ձեռքբերումը կարեւոր նշանակություն ունի Ուկրաինայի տնտեսության կայունացման եւ Ուկրաինայի տարածքով գազամատակարարման եւ տարանցման անվտանգության ապահովման համար», — ասված է փաստաթղթում:
Հիշեցնենք, ԵՄ 28 երկրների եւ կառավարությունների ղեկավարների գագաթաժողովը ՌԴ-ի նկատմամբ նոր պատժամիջոցներ է համաձայնեցրել, սակայն հատվածական առեւտրատնտեսական սահմանափակումներ չի կիրառել:
