նախընտրելի դարձնելՀոկտեմբերի 1-ին ոստիկանության Մաշտոցի բաժնի ծառայողներից մեկին էր մոտեցել 46-ամյա Վերգինե Հ.-ն եւ հայտնել, որ նույն օրը, ժամը 13.00-ին, Դավիթաշենի 1-ին թաղամասի թիվ 40 շենքի շքամուտքում, վերելակի մոտ, մի անծանոթ երիտասարդ բացահայտ հափշտակել է իր պարանոցի ոսկյա շղթան եւ դիմել փախուստի:
Ոստիկանության փոխանցմամբ՝ ձեռնարկված օպերատիվ-հետախուզական միջոցառումների շնորհիվ՝ ոստիկանության Մաշտոցի բաժնի եւ Դավիթաշենի բաժանմունքի ծառայողները Դավիթաշենի 3-րդ թաղամասի թիվ 7 շենքի մոտից, նշված կողոպուտը կատարելու կասկածանքով, Դավիթաշենի բաժանմունք բերման են ենթարկել 25-ամյա Վարդան Մ.-ին, որի մոտ հայտնաբերվել է պոկված շղթա:
Վարդան Մ.-ն տվել է խոստովանական բացատրություն:
Կատարվում է նախաքննություն:
