նախընտրելի դարձնելՎերջին օրերին որոշ բաժանորդների մոտ, ովքեր օգտվում են Hi-Line ծառայությունից, նկատվում է ինտերնետի արագության նվազեցում։ Ամենայն հավանականությամբ, ինտերնետի արագության հետ կապված խնդիրները պայմանավորված են բաժանորդի համակարգչում վիրուսային ծրագրի առկայությամբ։ Վիրուսային այդ ծրագիրը վերջին մի քանի օրում լայն տարածում է ստացել ինտերնետից օգտվողների շրջանակում։
Բոլոր այն բաժանորդներն, ում մոտ առկա է այս խնդիրը, խորդուրդ է տրվում իրենց համակարգչում տեղադրել լիցենզավորված հակավիրուսային ծրագիր, կանոնավոր կերպով ստուգել հակավիրուսային բազայի թարմացումները եւ անցկացնել համակարգչի տվյալների ամբողջական զննում: Խորհուրդ է տրվում անցկացնել համակարգչում վիրուսների առկայության ամբողջական զննում Kaspersky Lab ընկերության անվճար ծառայության օգնությամբ։
Հետագայում նմանատիպ խնդիրներից խուսափելու համար, խորհուրդ է տրվում հետեւել ներքոհիշյալ մի քանի պարզագույն քայլերին, որոնք կօգնեն Ձեզ զերծ պահել համակարգիչը վիրուսային ծրագրերից։
1)Պաշտպանեք ձեր համակարգիչը. մշտապես թարմացրեք բոլոր ծրագրային ապահովումները:
2)Ինտերնետում մի սեղմեք կասկածելի թվացող հաղորդագրությունների կոճակները եւ մի այցելեք հղումներով:
3)Պաշտպանեք Ձեր անձնական տեղեկատվությունը. օգտագործեք հուսալի գաղտնագիր:
4)Հոգ տարեք անձնական տեղեկատվության անվտանգության մասին. տարբեր կայքերում օգտագործեք տարբեր գաղտնագրեր:
5)Երբեք մի տրամադրեք գաղտնի տեղեկություններ, օրինակ, հաշվեհամար կամ գաղտնագիր` ի պատասխան էլեկտրոնային փոստով կամ սոցիալական ցանցով ստացած հաղորդագրության:
6)Անպայման մտածեք նախքան կընդունեք որեւէ մեկի ընկերանալու հրավերը (սոցիալական ցանցեր)
7)Անծանոթ կայքերում որեւէ հարցաթերթիկ մի լրացրեք:
8)Պաշտպանեք ձեր համակարգիչը. օգտվեք հուսալի հակավիրուսային ծրագրերից:
9)Տեղադրեք լիցենզավորված հակավիրուսային ծրագիր, կանոնավոր կերպով ստուգեք հակավիրուսային բազայի թարմացումները եւ անցկացրեք ձեր համակարգչի տվյալների ամբողջական զննում:
10)Պաշտպանեք ձեր հաշիվները, ոչ ոքի մի ասեք դրանց գաղտնագրերը:
11)Մի այցելեք հղումներով, որոնք առաջարկում են տեսնել որեւէ կարեւոր բան, օրինակ, ձեր լուսանկարները:
12)Էլեկտրոնային փոստում մուտքային նամակը բացելուց առաջ ստուգեք ուղարկողի հասցեն:
13)Պաշտպանեք ձեր անձնական տեղեկատվությունը. գաղտնագրերը մի գրանցեք թղթերի վրա ու մի պահեք համակարգչի մեջ:
Նշենք նաեւ, որ Beeline բաժանորդների սպասարկման ծառայությունը հասանելի է 24 ժամ եւ մշտապես պատրաստ է աջակցել մեր բաժանորդներին առաջացած հարցերը հնարավորինս սեղմ ժամկետում լուծելու համար։
