նախընտրելի դարձնելՀայաստանի ԳՆ սննդամթերքի անվտանգության պետական ծառայության պետի 2014թ. հոկտեմբերի 13-ի որոշումով կասեցվել է «ԱՄՄ» ՍՊԸ-ի «Լոռի» պանիր արտադրատեսակի արտադրությունը:
«ԱՄՄ» ՍՊԸ-ում իրականացված ստուգման ընթացքում, արտադրության փուլում հայտնաբերվել է վտանգավոր սննդամթերքների թողարկում. ստուգման ընթացքում պարզվել է, որ «ԱՄՄ» ՍՊԸ-ի կողմից արտադրված «Լոռի» պանիր արտադրատեսակի նմուշը, համաձայն «ՍՏԱՆԴԱՐՏ ԴԻԱԼՈԳ» ՍՊԸ-ի փորձարկման արձանագրության, ԱՑԽՄ եւ սալմոնելա դասի միկրոօրգանիզմների առկայությամբ չի համապատասխանում սահմանված պահանջներին:
Կազմակերպությանը տրվել է հանձնարարական՝
1) վերացնել հայտնաբերված խախտումները, այն է՝ կազմակերպել սանիտարական օր, ախտահանել արտադրական սարքավորումները, «Լոռի» պանրի արտադրատեսակի արտադրությունը համապատասխանեցնել ՀՀ կառավարության 2006 թվականի դեկտեմբերի 21-ի «Կաթին, կաթնամթերքին եւ դրանց արտադրությանը ներկայացվող պահանջների տեխնիկական կանոնակարգը հաստատելու մասին» N1925-Ն որոշման պահանջներին:
2) թողարկել փորձնական արտադրանք եւ ներկայացնել լաբորատոր փորձաքննության անհամապատասխանության ցուցանիշով:
3) «Լոռի» 20.08.2014թ. արտադրված պանրի արտադրատեսակի խմբաքանակը օգտահանել կամ ոչնչացնել:
Խախտումների վերացման կատարման ժամկետ է սահմանվել մինչեւ 2014 թվականի հոկտեմբերի 23-ը:
