նախընտրելի դարձնելՎիրտուալ հայկական քոլեջն արդեն մոտ 3,5 հազար ուսանող է հավաքել ամբողջ աշխարհում: Այդ մասին լրագրողներին հոկտեմբերի 17-ին հայտարարել է Համահայկական բարեգործական ընկերության(AGBU) կենտրոնական խորհրդի անդամ, «Synopsys Armenia» ընկերության գլխավոր ինժեներ Երվանդ Զորյանը: Նրա խոսքով՝ քոլեջը դառնում է ոչ միայն ուսուցման վայր, այլ նաեւ յուրատեսակ սոցիալական ցանց հայերի համար. օնլայն-դասարաններից մեկում կարող են հավաքվել Երեւանի, Սիդնեի, Բուենոս-Այրեսի եւ Թուլուզի բնակիչներ:
Նախագիծը ներառում է ոչ միայն արեւմտահայերենի ու արեւելահայերենի ուսումնական դասընթացներ, այլ նաեւ հայոց պատմության, ճարտարապետության, երաժշտության, ինչպես նաեւ շախմատի դասընթաց, որոնք կազմել են ազգային պատկերի անբաժանելի մասը: Դասընթացներն առաջարկում են ոչ միայն հայերենի երկու տարբերակով, այլ նաեւ ռուսերեն, ֆրանսերեն, անգլերեն, իսպաներեն ու թուրքերեն(առավել կարեւոր է Սփյուռքի համար):
«Մեկ դասընթացի արժեքը կազմում է մինչեւ 199 դոլար, սակայն ուսանողները վճարում են ուսուցման իրական արժեքի միայն 5 տոկոսը: Մնացած մասը ներդնում են «AGBU» հովանավորները»,- նշել է Զորյանը: Ինչ վերաբերում է դասավանդողներին ու դասընթացների հեղինակներին, ապա դրանց թվում կան ինչպես կամավորներ, այնպես էլ վարձատրվող աշխատողներ, հավելել է Զորյանը:
Նախագծի հանդեպ հետաքրքրությունն աճում է ոչ միայն արեւմտահայ դպրոցականների եւ երիտասարդների շրջանում. Արդեն հիմա քոլեջի ուսանողների 73 տոկոսը արեւելահայերեն է սովորում, այդ թվում նաեւ Ռուսաստանում:
