նախընտրելի դարձնելՄեծ Բրիտանիայի ներքին գործերի նախարարությունը մանկապարտեզների աշխատակիցներին կոչ է արել տեղեկացնել ահաբեկչական հակումներ ունեցող երեխաների մասին: Տվյալ միջոցառումները հակաահաբեկչական ծրագրի մասն են կազմում:
Մանկապարտեզների աշխատակիցները հետայսու պարտավոր են «կանխարգելել մարդկանց ահաբեկչական հակումները»:
Նախարարության ներկայացուցիչը հայտարարել է, որ անձնակազմը պետք է միջոցներ ձեռնարկի՝ առանց միջամտելու երեխաների ընտանեկան կյանքին, այլ միայն նրանց օգնի, եթե նրանք կասկածելի վարք դրսեւորեն: Ամենայն հավանականությամբ, մանկատների աշխատակիցները պետք է զեկուցեն այն դեպքերի մասին, երբ երեխաները հակասեմական հայտարարություններ անեն, նշում է «Ռոսիյսկայա գազետան»:
Ավելի վաղ Մեծ Բրիտանիայի ՆԳ նախարար Թերեզա Մեյը հայտարարել էր, որ ահաբեկչության սպառնալիքը երբեք երկրի առաջ այսքան սրությամբ չէր ծառացել: Բրիտանացիների անվտանգության կարեւորագույն սպառնալիքների շարքում նախարարը նշել է Սիրիայից եւ Իրաքից վերադարձած երկրի քաղաքացիներից բխող սպառնալիքը:
