նախընտրելի դարձնելԱՄՆ Ալաբամա նահանգի Հանթսվիլ քաղաքի դպրոցում մտադիր են երեխաներին սովորեցնել պաշտպանվել պահածոյի բանկաներով: Դպրոցի ղեկավարությունը երեխաներին խնդրել է մեկական բանկա պահածո բերել: Պահածոների նախընտրելի քաշը 200 գ-ն է:
Associated Press-ը հայտնում է, որ պահածոները պահվելու են դասարաններում, դրանք մտադիր են օգտագործել որպես մետաղական արկեր՝ դպրոցի վրա հարձակման ժամանակ: Ըստ դպրոցի տնօրեն Պրիսցիլիա Հոլիի (Priscella Holley)՝ նման «զենքի» առկայությունը «դպրոցականներին պաշտպանվածության զգացողություն կներշնչի»:
Հնարավոր հարձակմանը դիմակայելու նախապատրաստման շրջանակում ուսուցիչները աշակերտներին կսովորեցնեն բարիկադներ կառուցել, որպեսզի նրանք կարողանան իրենց ապահովագրել դասարան հանցագործի ներխուժումից: Իսկ եթե հանցագործը, այնուամենայնիվ, հայտնվի դասարանում, իսկ աշակերտները չհասցնեն տարհանվել, նրանց խորհուրդ են տալիս պաշտպանվել գրքերով եւ այլ առարկաներով:
Հոլին ավելացրել է, որ եթե պահածոները պետք չգան, ապա տարեվերջին դրանք կհանձնեն դպրոցի ճաշարանին:
