Թուրքիայի Գազիանթեփ (Այնթափ) քաղաքում քրդական «Ժողովուրդների դեմոկրատական» (HDP) կուսակցության անդամները 1915-ի Հայոց ցեղասպանության զոհերի հիշատակի համար միջոցառում են կազմակերպել։

Թուրքական DHA գործակալության փոխանցմամբ՝ Այնթափի Յեշիլսուի այգում HDP-ի անդամներն ապրիլի 24-ին սգո միջոցառում են կազմակերպել Ցեղասպանության զոհերի հիշատակի համար։

Հավաքվածները նստացույցի միջոցով իրենց վշտակցությունն են հայտնել հայ ժողովրդին՝ պարզելով, «1915-ի Հայոց ցեղասպանության համար ներողություն ենք խնդրում հայերից» պաստառներ։

Մասնակիցներից Ջելալ Դենիզը նշել է, որ 100 տարի առաջ հայերին եւ ասորիներին երիտթուրքերի ցեղասպանության են ենթարկել։