նախընտրելի դարձնել
ՀՀ գյուղատնտեսության նախարարության առաջարկով եւ Երեւանի քաղաքապետ Տարոն Մարգարյանի հանձնարարությամբ Երեւանի Կոմիտասի պողոտայի եւ Կասյան փողոցի խաչմերուկում, ինչպես նաեւ «Մալիբու» սրճարանի հարեւանությամբ կազմակերպված գյուղատնտեսական մթերքների բացօթյա շուկաները, հոկտեմբերի 26-ից նոյեմբերի 1-ը ներառյալ, կգործեն ամեն օր:
Այս մասին նշվել է Երեւանի քաղաքապետարանում տեղի ունեցած աշխատանքային հերթական խորհրդակցության ժամանակ:
Ըստ այդմ, առեւտրի եւ սպասարկումների վարչությանն ու Կենտրոն եւ Արաբկիր վարչական շրջանների ղեկավարներին հանձնարարվել է ապահովել գյուղմթերքի բացօթյա շուկաների ամենօրյա աշխատանքի կազմակերպման համար անհրաժեշտ միջոցները:
