նախընտրելի դարձնել
ԱՄՆ եւ Ճապոնիայի ռազմածովային ուժերը զորավարժություններ են սկսել Հարավչինական ծովում, որտեղ աճում է լարվածությունը ԱՄՆ-ի եւ Չինաստանի միջեւ:
NHK հեռուստաալիքի փոխանցմամբ, զորավարժություններին մասնակցում են ամերիկյան ՌԾՈՒ-ին պատկանող Theodore Roosevelt ավիակիրն ու ճապոնական «Ֆույուձուկի» հրթիռային նավը:
Զորավարժությունները հեռու են այն վայրից, որտեղ Պեկինն ուզում է 12-մղոնանոց փակ գոտի ստեղծել, ինչին ընդդիմանում է ԱՄՆ-ը, հաղորդում է ՏԱՍՍ-ը:
Նախօրեին, մասնավորապես, ամերիկյան USS Lassen ռազմանավը ցուցադրաբար մտել է 12-մղոնանոց այդ գոտի: Պեկինը ԱՄՆ-ի այդ քայլը սադրանք է որակել:
Այդ տարածքում Պեկինը արհեստական կղզի է կառուցում, որը մեծ թռիչքուղի է ունենալու:
