Հորդանանի սահմանապահները կանխել են Սիրիայից երկիր ներթափանցելու՝ 14 հոգուց բաղկացած զինված խմբի փորձը։ Այս մասին շաբաթ օրը՝ հոկտեմբերի 31-ին, հայտնել է Reuters-ը՝ հղում անելով Հորդանանի զինված ուժերին։

Զինվորականների տվյալներով՝ սահմանը հատելու փորձը տեղի է ունեցել ուրբաթ օրը և ուղեկցվել ինտենսիվ փոխհրաձգությամբ։

Բախման հետևանքով զինված խումբը բազմաթիվ կորուստներ է կրել, իսկ մնացած մարտիկները նահանջել են Սիրիայի տարածք։

Զինվորականները չեն հստակեցրել խմբի անդամների ինքնությունը և չեն հայտնել զոհերի ու վիրավորների ստույգ թիվը։