նախընտրելի դարձնել
Հայաստանի կառավարությունը 2016-ին մոտ 30,2 մլրդ դրամի դրամաշնորհային միջոցներ կստանա (ընթացիկ փոխարժեքով՝ մոտ 64 մլն դոլար- ծ.խ.): Այդ մասին ասվում է 2016-ի պետբյուջեի մեկնաբանություններում, որը նոյեմբերի 2-ին սկսել են քննարկել խորհրդարանում:
Եվրոպական հարեւանության ծրագրի շրջանակում Հայաստանը Եվրամիությունից 24 մլն եվրոյի (13 մլրդ դրամի) դրամաշնորհներ կստանա առանց նպատակային նշանակության:
Մնացած՝ նպատակային դրամաշնորհների ծավալը կկազմի 35,6 մլն դոլար կամ 17,2 մլրդ դրամ:
Այդ թվում, Եվրամիության նպատակային դրամաշնորհների ծավալը կկազմի 9,1 մլն դոլար կամ 4,4 մլրդ դրամ:
Հայկական ՀԷՑ-ի շահագործման ժամկետը երկարաձգելու համար ՌԴ-ից ստացվելիք դրամաշնորհը կկազմի 8 մլն դոլար (3,9 մլրդ դրամ):
Գերմանական զարգացման բանկի (KfW) շրջանակում աջակցությունը կկազմի (KfW) 7,4 մլն դոլար (3,6 մլրդ դրամ):
Համաշխարհային բանկի դրամաշնորհային ծրագրերի շրջանակում կստացվի 5,4 մլն դոլար (2,6 մլրդ դրամ):
Եվրոպական ներդրումային բանկի դրամաշնորհը, ի հավելումն «Հյուսիս-Հարավ» ավտոմայրուղու վարկային 3-րդ տրանշի, կկազմի 2,6 մլն դոլար (1,2 մլրդ դրամ):
Դանիայի կառավարության կողմից ստացվելիք աջակցությունը «Ֆերմերներին աջակցելու համար գյուղական հնարավորությունների ստեղծում» ծրագրին կկազմի 1,9 մլն դոլար (0,9 մլրդ դրամ):
Հայաստանի կառավարությանը տրվելիք մնացած դրամաշնորհների ծավալը կկազմի 1,2 մլն ամերիկյան դոլար (0,6 մլրդ դրամ):
