«Հրապարակ» թերթը գրում է. «Քրեակատարողական վարչությունում կադրային փոփոխությունները շարունակվում են։ «Նուբարաշեն» ՔԿՀ պետի տեղակալ Սմբատ Բուլղադարյանին որոշ ժամանակ առաջ տարել Էին «Սեւան» ՔԿՀ պետի տեղակալ, սակայն վերջերս նրան վերադարձրել են հին պաշտոնին՝ «Նուբարաշեն» ՔԿՀ պետի տեղակալ։ Ըստ երեւույթին, նրա գնալուց հետո «Նուբարաշենում» հսկողությունը վատացել է։

Մյուս ուշագրավ փոփոխությունը դեռ առջեւում է՝ 30 հազար դրամանոց «սպարտիվկայի» համար քրեական հետապնդման ենթարկվող եւ աշխատանքից ազատված «Վարդաշեն» ՔԿՀ պետ Մանուկ Պողոսյանի տեղը դեռ թափուր է։ Թեեւ պետի ժամանակավոր պաշտոնակատար է նշանակվել արդարադատության գնդապետ Վ. Եղիազարյանը, սակայն հնարավոր է այդ պաշտոնն զբաղեցնի միանգամայն այլ մարդ։ Մեր տեղեկություններով՝ հնարավոր է նշանակվի Հովիկ Հակոբջանյանը։ Նա համակարգի հնաբնակներից է, աշխատել է «Նուբարաշեն» ՔԿՀ-ում՝ որպես օպերգծով բաժնի պետ, այժմ «Վարդաշեն» ՔԿՀ-ի պետի տեղակալն է»:

Առավել մանրամասն՝ թերթի այսօրվա համարում