նախընտրելի դարձնելՀաջորդ սերնդի Renault Scenic-ը նախագծված կլինի ամենագնացների, ոչ թե կոմպակտվենի ոճով: Այդ մասին, ֆրանսիական ապրանքանիշի գլխավոր դիզայներ Լորենս վան դեն Ակերին վկայակոչելով, տեղեկացնում է De Telegraaf պարբերականը:
«Ինչպես կարող եք նկատած լինել, մինիվեներն այլեւս այն ժողովրդականությունը չունեն, ինչ ունեին 90-ականներին: Նոր Scenic-ը ամենագնաց կդառնա, ինչպես դա պատահեց Espace մոդելին` սերնդափոխության ընթացքում: Ես վստահ եմ, որ մարդիկ դարձյալ կսիրեն այդ ավտոմեքենան», – նշել է վան դեր Ակերը, գրում է Motor-ը:
Նիդերլանդցի մասնագետն ասել է, որ Renault Scenic-ի ներկայացումը նախատեսված է 2016-ի երկրորդ կեսին: Ամենայն հավանականությամբ մոդելի հանրային դեբյուտը տեղի կունենա Փարիզի ավտոսալոնում:
Վերջերս AutoExpress-ը հրապարակել էր հաջորդ Scenic-ի թեստային նախատիպի լրտեսական լուսանկարը, որը, ամենայն հավանականությամբ, ավելի «բարձր եւ մարզական ուրվագիծ» կունենա:
Ակնկալվում է, որ նորույթը նույն շարժիչային շարքը կունենա, ինչ չորրորդ սերնդի Megane-ի ընտանիքին պատկանողները: Մոդելը կառաջարկվի 100 եւ 130 ձիաուժ հզորությամբ 1,2 լիտրանոց ագրեգատներով, ինչպես նաեւ 1.6 «տուրբոքառյակով»: Դիզելային շարքը ներկայացված է 90 եւ 110 ձիաուժ հզորությամբ 1,5 լիտրանոց շարժիչներով, ինչպես նաեւ 1,6 լիտրանոց շարժիչով, որը 130 կամ 165 ձիաուժ է զարգացնում:
