նախընտրելի դարձնելԱմերիկյան Classic Recreations ավտոարհեստանոցն ազդարարել է 1960-ների դասական Shelby Mustang մասլ-քարի նոր պատճենների թողարկումը: Ավտոմեքենաները կառաջարկվեն EcoBoost ընտանիքի ժամանակակից «ֆորդյան» տուրբոշարժիչներով:
4,7 լիտր ծավալի 275 ձիաուժ ութցիլինդրանի շարժիչի փոխարեն կտեղադրեն ավելի թեթեւ` 3,5 լիտրանոց թվին-տուրբո V6 ագրեգատ, որի գործարանային մոդիֆիկացիան 370 ձիաուժ հզորություն ունի եւ 569 Նմ պտույտի պահ:
Միաժամանակ թյուներները կառավարման էլեկտրոնային բլոկի նոր կարգաբերումներ եւ մեծացված տուրբոներմղիչներ են օգտագործում , ինչի շնորհիվ շարժիչի արտադրողականությունն աճում է մինչեւ մոտավորապես 600 ձիաուժ, տեղեկացնում է Motor-ը:
Բացի այդ, «Մուստանգի» համար մատչելի կլինի երկուլիտրանի փչովի EcoBoost շարժիչը, որը տեղադրված է Ford Focus ST-ի վրա: Հոթ-հեթչի վրա այն 250 ձիաուժ է զարգացնում եւ 360 Նմ, սակայն Borg Warner ընկերության մեկ այլ տուրբինը հնարավորություն կտա նրա տվյալները մեծացնել մինչեւ 300 ձիաուժ եւ 488 Նմ: Մասլ-քարի տվյալ տարբերակը նախատեսված է չինացի հաճախորդների համար, որոնց կազատեն ավելի մեծ շարժիչի համար բարձր հարկ վճարելու անհրաժեշտությունից:
Classic Recreations-ում նշել են, որ իրենց «Մուստանգները» նոր տուրբոշարժիչների, թեթեւացված կառուցվածքի եւ կախոցի ժամանակակից կարգավորումների շնորհիվ կդառնան «աշխարհի ամենադրայվերական մասլ-քարերից»:
