նախընտրելի դարձնելHyundai ընկերությունը մտադիր է ջրածնային շարժիչով նոր ամենագնաց թողարկել: Այդ մասին տեղեկացնում է Autocar պարբերականը` վկայակոչելով Hyundai-Kia-ի ջրածնային ագրեգատների բաժնի ղեկավար Սա Հուն Կիմային:
Ենթադրվում է, որ նորույթը կկարողանա առանց լրացուցիչ լիցքավորման ավելի քան 800 կմ անցնել, իսկ առավելագույն արագությունը կկազմի ժամում 180 կմ:
Այս պահին հարավկորեական ավտոարտադրողը ջրածնային ընդամենը մեկ մոդել է առաջարկում` Hyundai Tucson Fuel Cell ամենագնացը: Ամենագնացը զինված է 136 ձիաուժ հզորությամբ էլեկտրաշարժիչով եւ լիթիում-իոնային մարտկոցների համալիրով, որոնց համար էներգիան արտադրվում է ջրածնի եւ թթվածնի միջեւ քիմիական ռեակցիայի արդյունքում:
Մոդելի ընթացքի հայտարարված պահուստը կազմում է 594 կմ, իսկ առավելագույն արագությունը` ժամում 161 կմ:
