նախընտրելի դարձնել
Ինքնաթիռը Նյու Յորքում վայրէջքի ընթացքում վնասել է թռիչքուղին
Ինքնաթիռը Նյու Յորքի Լա Գուարդիա օդանավակայանում վայրէջքի ընթացքում վնասել է թռիչքուղին, հաղորդում է NBC հեռուստաալիքը` վկայակոչելով օդանավակայանի աղբյուրին:
Թռիչքուղու վնասվելը նկատել է թռիչքի պատրաստվող ինքնաթիռներից մեկի օդաչուն: Նա անմիջապես հաղորդել է, որ թռիչքուղիներից մեկի մի քանի բետոնե բեկոր կա ինքնաթիռից դեպի աջ:
Վնասված թռիչքուղին մեկ ժամից էլ պակաս տեւած վերանորոգման ընթացքում փակվել է: Ինքնաթիռի վայրէջքի ընթացքում առաջացած փոսի երկարությունը մոտ երկու մետր էր կազմում:
Միջադեպի հետեւանքով օդանավակայանում մնացել է մեկ գործող թռիչքուղի, ինչի հետեւանքով շատ չվերթներ հետաձգվել են 30 րոպեից մեկ ժամով, տեղեկացնում է «ՌԻԱ Նովոստին»:
