Նախընտրելի
Սիրիական առաջիկա բանակցությունների վերաբերյալ Սիրիայի արտգործնախարարի հայտարարությունն արգելակում է դրանք, դեռ չսկսված: Այդ մասին հայտնել է սիրիական ընդդիմության ղեկավար Մոնզեր Մահուսը, հայտնում է «Ալ-Արաբիա» հեռուստաալիքը:
«Մուալլեմի հայտարարությունները մեխում են ժնեւյան դեռ չսկսված բանակցությունների դագաղը», — ասել է Մահուսը:
Սիրիայի հարցերով ՄԱԿ-ի հատուկ դեսպանորդ Ստեֆֆան դե Միստուրան նախատեսել է միջսիրիական անուղղակի բանակցությունների լայնաձեւաչափ փուլը սկսել մարտի 14-ին: Նա հաղորդել է, որ առաջին պատվիրակությունը, որի հետ պատրաստվում է հանդիպել, կարող է դառնալ Դամասկոսի պատվիրակությունը:
Ավելի վաղ` շաբաթ, Սիրիայի արտգործնախարար Վալիդ Մուալլեմը հայտնել էր, որ Սիրիական կառավարության պատվիրակությունը Ժնեւ հասնելուց հետո 24 ժամից ավելի չի սպասի բանակցությունների սկզբին: Բացի այդ, նա հայտնել է, որ սիրիական իշխանությունները դեմ են դաշնակցային կառուցվածքի անցնելու վերաբերյալ բանակցություններին եւ չեն քննարկի նախագահական ընտրությունները:
