Տղամարդը կռիվ է սարքել Ստամբուլ-Մոսկվա չվերթն իրականացնող ինքնաթիռում:    Հարբած ուղեւորին Վնուկովոյի օդանավակայանում իջեցրել են Turkish Airlines ինքնաթիռի օդանավասանդուղքից: 

Հետագայում պարզվել է, որ նա երեք տարի սպիրտային չէր օգտագործել, որովհետեւ Ստամբուլում շինարարության վրա է աշխատում, որտեղ ալկոհոլն արգելված էր: Ինքնաթիռում տղամարդը   300 գ վիսկի էր խմել եւ կորցրել էր ինքնատիրապետումը: 

Life-ը հայտնում է, որ երբ պայմանագրի ժամկետն ավարտվել է, տղամարդն ամենից շատ երազել է հայտնվել հայրենիք թռչող ինքնաթիռում, մի բաժակ թունդ խմիչքով: 

Անձնակազմը գոտիներով կապկպել է կռվարարին: Օդանավակայան հասնելուց հետո նրան ոստիկանություն են տարել: 

Թե ճշգրիտ ինչ է արել անսթափ ուղեւորը, որին ԶԼՄ-ները կռվարար են կոչել, չի նշվում:   Life-ը գրում է, որ վիսկի օգտագործելուց հետո տղամարդու օրգանիզմում  «սկսել են տհաճ փոխակերպումներ» տեղի ունենալ: