Beeline-ի աջակցությամբ այսօր` մայիսի 10-ին, տեղի կունենա Էդուարդ Միրզոյանի անվան լարային քառյակի համերգը` նվիրված կոմպոզիտոր Էդուարդ Միրզոյանի 95-ամյակին:

Համերգը տեղի կունենա Կոմիտասի թանգարան-ինստիտուտում: Համերգի ընթացքում կհնչեն հայ կոմպոզիտորների` Լեւոն Չաուշյանի, Ռուբեն Սարգսյանի եւ Էդուարդ Միրզոյանի ստեղծագործությունները:

«Beeline-ը շարունակում է Միրզոյանի անվան քառյակի հետ համագործակցությունը, որի հիմնական առաքելությունն է մշակութային կյանքի զարգացումը: Վստահ եմ, որ այսօրվա եւ հետագա համերգները կնպաստեն  դասական երաժշտության նկատմամբ հետաքրքրության պահպանմանը, իսկ Քառյակը կշարունակի մեզ ուրախացնել նոր նվաճումներով եւ պարգեւներով», - նշեց Հայաստանում Beeline-ի Գլխավոր տնօրեն Անդրեյ Պյատախինը։     

«Մենք երջանիկ ենք արդեն երրորդ տարին անընդմեջ համագործակցել Beeline-ի հետ, ում գործունեությունը մեծապես ուղղված է նաեւ բարեգործությանը: Beeline-ի աջակցությամբ մենք երեք համերգաշրջանի ընթացքում կարողացանք իրագործել բազմաթիվ նախագծեր, որոնք մեծ արձագանք ստացան ինչպես Հայաստանում, այնպես էլ արտերկրում: Մեր խորին շնորհակալությունն ենք հայտնում մեր գործընկերներին», - նշեցին Էդուարդ Միրզոյանի անվան լարային քառյակի երաժիշտները:

Համերգին աջակցում է նաեւ ՀՀ Մշակույթի նախարարությունը:

Նշենք, որ Քառյակի գործունեության ընթացքում երաժիշտները հաջողությունների են հասել բազմաթիվ միջազգային մրցույթներում եւ հայտնի են դարձել  ոչ միայն մեր երկրում, այլ նաեւ ամբողջ աշխարհում: Երաժիշտներից յուրաքանչյուրն ունի անվանական պարգեւներ եւ մրցանակներ՝ հայրենիքն ըստ արժանվույն ներկայացնելով բազմաթիվ միջազգային բեմերում կայացած հյուրախաղերի ժամական: 2015 թ. նոյեմբերից Քառյակը պաշտոնապես հանդիսանում է լարային գործիքների համար լարեր եւ աքսեսուարներ արտադրող «D'addario Kaplan" - "D'Addario artist» ամերիկյան ընկերության տարածաշրջանային դեմքը: Beeline-ը Քառյակի մշտական գործընկերն է 2013թ.-ից։