նախընտրելի դարձնել
Հայաստանի կառավարությունը չի ուզում մաքսանենգ առեւտրի համար բանտ նստեցնել: Այդ մասին մայիսի 11-ին Հայաստանի կառավարությունում հայտնել է Պետեկամուտների կոմիտեի փոխնախագահ Վախթանգ Միրումյանը` պատասխանելով «Բարգավաճ Հայաստան» կուսակցության խմբակցության նախագահ Նաիրա Զոհրաբյանի հարցին:
Օրինագծի քննարկմանը, որով մաքսանենգ առեւտուրը պատրաստվում են քրեական հանցագործությունից դարձնել վարչական հանցագործություն (բացի ծանրացուցիչ հանգամանքներով դեպքերից) Զոհրաբյանը կասկածել է, թե խոշոր խարդախները չեն ազատվի արդյոք փոքր տուգանքներով: Դրան ի պատասխան, Միրումյանը հայտնել է, որ տուգանքները բոլորովին էլ փոքր չեն. մաքսանենգության մեջ բռնվածը պարտավոր կլինի վճարել ամբողջ մաքսը, բացի այդ, նաեւ` տուգանք ապրանքային խմբաքանակի արժեքի 100 տոկոսի չափով: «Նման տուգանքների դեպքում մաքսանենգ առեւտուրը ուղղակի ոչ շահավետ կլինի», - ամփոփել է Միրումյանը:
