Ութ տարվա ընդմիջումից հետո, ԳՈՀԱՐ սիմֆոնիկ նվագախումբն ու երգչախումբը, որ  քաջ ծանոթ է աշխարհի տարբեր քաղաքներում  ունեցած իր ելույթներով, օրերս հանդես է եկել Լիբանանում:

Համերգից շատ օրեր առաջ տոմսերն արդեն սպառված էին: Լիբանանի Զուք Միքայելի հռոմեական ամֆիթատրոնում կայացած եռօրյա համերգները ներգրավել էին աշխարհի տարբեր անկյուններից եկած հանդիսատեսին ու երկրպագուներին: Համերգներն իրենց ինքնատիպությամբ հանդիսատեսին էին հաղորդում Կիլիկիայի հայկական թագավորության շունչը, որ ժամանակին այն տարագիր հայերի բնօրրանն էր, ովքեր Միջին Արեւելքում հաստատվեցին մոտ մեկ դար առաջ:

Ներկայացումների աստղն էր կիպրահայ մաեստրո Սեպուհ Աբգարյանը: Համերգային ծրագրի առաջին մասն ընդգրկում էր դասական, սիրային եւ ժողովրդական երգեր, ինչպես նաեւ գործիքային կտորներ, որոնք հատուկ մշակված էին ԳՈՀԱՐ-ի համար` շեշտը դնելով հայկական ավանդական գործիքների`դուդուկի, քանոնի եւ դհոլի վրա։ Այս բոլորը միաձուլված էին` հանդիսատեսին փոխանցելու համար Հայկական հարուստ ժառանգության ու մշակույթի կարոտը։

Երկրորդ մասը շարունակվել է համաձույլ ջազով, որը ոգեւորեց երիտասարդ ու  տարեց հանդիսատեսներին յուրահատուկ կատարումով ու  զանազան գործիքների  օգտագործումով՝ ներառյալ հայկական զուռնան։

«Վերականգնվիր Կիլիկիա» երգը, որ  գրված  է հատուկ ԳՈՀԱՐ-ի համար,  խանդավառել է հանդիսատեսին, մասնավորապես, երբ նրանք հպարտությամբ ու պատվով սկսել են ծածանել ԳՈՀԱՐ-ի կողմից  տրամադրված Կիլիկիայի հայկական թագավորության դրոշները։  ԳՈՀԱՐ-ի ելույթների  ավարտը նշանակալից է դարձել փայլատակող հրավառությամբ  ու դրա գունազարդ շողարձակումներով։

Նշենք, որ համերգներից  ստացված գումարը կտրամադրվի Լիբանանի կարիքավոր  հայկական դպրոցներին:

ԳՈՀԱՐ-ը հիմնադրվել  է 1997-ին, Հայ մշակույթի մեկենաս, լիբանանահայ Հարութ Խաչատուրյանի կողմից, ով հովանավորն է «Գոհար»-ի ընդհանուր գործունեության  եւ  աշխարհում կատարած  բոլոր համերգների` ներառյալ լիբանանյան վերջին ելույթները։ Համույթի անվանումն ընտրվել է ի պատիվ իր մոր՝ Գոհար Խաչատուրյանի եւ ի հիշատակ  հոր՝  Արամ Խաչատուրյանի։