Նախընտրելի
«Իսլամական պետության» «խալիֆայության» սահմանները արագ կրճատվում են: Իրաքում ու Սիրիայում խմբավորման ամրոցները մեկը մյուսի հետեւից փլվում են: ԻՊ դեմ ԱՄՆ–ի ղեկավարած պայքարը հասել է այն կետին, երբ հարց է ծագում, իսկ ի՞նչ է լինելու հետո, գրում է The Washington Post–ի թղթակից Լիզ Սլայը.- Առայժմ հետեւյալ պատասխանն է հավանական թվում՝ նոր պատերազմներ»:
«Մասամբ դա պայմանավորված է նրանով, որ ԻՊ դեմ իր ռազմավարության շրջանակում ԱՄՆ-ն ապավինում է մի շարք տարածաշրջանային կողմնակիցներին ու տեղի զինված խմբերին, որոնք հաճախ իրար հետ էլ բոլորովին լեզու չեն գտնում,- ասվում է հոդվածում, որի թարգմանությունը մեջբերում է «Ինոպրեսսան»,- Չնայած դրանք բոլորը իրենց համարում են ԻՊ-ի թշնամի, բայց դրանց մեծ մասը նաեւ մեկը մյուսին են թշնամի համարում: Զինյալներից հետ վերցնելով տարածքներ,նրանք շտապում են պահանջներ ներկայացնել այդ հողերի նկատմամբ, ինչի հետեւանքով հակամարտություններ են սկսվում մյուսների հետ,որոնք նույնպես մասնակցել են տարածքների գրավմանը: Սկսվում են նոր պատերազմներ ԻՊ-ից հետո ձեւավորվող աշխարհակարգի նկատմամբ հսկողության համար»
«Ահա այդ պատերազմների հավանական ցանկը՝ կամայական կարգով, - գրում է Սլայը,- Անկասկած դրանց քանակն ավելի շատ է լինելու: Որոշ պատերազմներ արդեն սկսվել են: Մյուսները կարող են եւ չսկսվել: Սակայն դրանցից յուրաքանչյուրը «Իսլամական պետությանը» գոյատեւման լրացուցիչ շանսեր կտա, քանի որ կերկարաձգի այն պայմանները, որոնց շնորհիվ այդ խմբավորումը բարգավաճել է ու գուցե կստիպի Միացյալ Նահանգներին տարիներ շարունակ միջամտել Մերձավոր Արեւելքի գործերին»
- ԱՄՆ կողմից աջակցություն ստացող քրդական զորքերը Թուրքիայի կողմից աջակցություն ստացող արաբական զորքերի դեմ
- Թուրքիան սիրիաբնակ քրդերի դեմ
- Սիրիաբնակ քրդերը Սիրիայի կառավարության դեմ
- ԱՄՆ-ն Սիրիայի դեմ
- Թուրքիան Սիրիայի դեմ
- Իրաքի քրդերը Իրաքի կառավարության դեմ
- Իրաքի քրդերը շիա աշխարհազորայինների դեմ
- Քրդերը քրդերի դեմ
- Սուննի արաբները շիաների ու / կամ քրդերի դեմ
- «Իսլամական պետության» մնացորդները բոլորի դեմ
