Մոնղոլիայից եւ Հարավային Կորեայից գենետիկները Չինգիզխանի մոտ եվրոպական արմատներ են հայտնաբերել: Մասնագետները հետազոտել են Մոնղոլական կայսրության հիմնադիր եւ առաջին մեծ խան Չինգիզխանի եւ նրա ազգականների գերեզմանը, հայտնում է  Informing-ը:  

Արդյունքում գիտնականներին հաջողվել է պարզել թաթար-մոնղոլական հորդայի խանի ռասայական պատկանելիությունը: Մասնագետները Մոնղոլիայում Տավան Տոլգոյ կուրգանում, որի վրա ծածանվում էր Չինգիզխանի տոհմի զինանշանը,  տղամարդու չորս եւ կնոջ երեք կմախք են հայտնաբերել: 

Դամբարանի տարածքում հայտնաբերված ռադիոածխածնային վերլուծության իրականացման ընթացքում հաջողվել է որոշել թաղված մարմինների տարիքը:  Հետազոտողների խոսքով, կուրգանում թաղված մարդիկ ապրել են պատմական նույն ժամանակաշրջանում, ինչ Մեծ խանն ու նրա երեխաները (1130-1250 թթ.):

Հաջողվել է  պարզել նաեւ, որ բոլոր թաղվածների մասունքները պատկանել են նույն հապլոխմբին եւ գենային հավաքածուում նույն մուտացիաներն են ունեցել:  

Եթե ավելի վաղ համարվում էր, որ Չինգիզխանը ասիական հապլոխմբի ներկայացուցիչ է, գիտնականների վերջին հետազոտությունը ցույց է տվել, որ թաթար-մոնլողական լծի առաջնորդը եվրոպական արմատներ է ունեցել: