Կառավարությունը մեկ ամսից առաջարկներ կներկայացնի մարզպետների տեղակալների թվաքանակի կրճատման վերաբերյալ։ Այս մասին նոյեմբերի 1-ին ԱԺ-ում  հայտնել է Կառավարության աշխատակազմի ղեկավար, նախարար Դավիթ Հարությունյանը՝ պատասխանելով ընդդիմադիր պատգամավոր Էդմոն Մարուքյանի հարցին։

Հարությունյանի խոսքով վարչապետն արդեն մարզպետներին հանձնարարել է ուսումնասիրել իրենց տեղակալների ծանրաբեռնվածության աստիճանը ու որոշում կայացնել նրանց աշխատանքի անհրաժեշտության մասին։  Հակառակ դեպքում Կառավարությունն ինքը հանդես կգա առաջարկներով։ «Մենք ուզում ենք արդյունքների մասին հայտնել ոչ ուշ քան մեկ ամսից»,- հավելել է Հարությունյանը։