նախընտրելի դարձնելԱնկարայի եւ Վաշինգթոնի հարաբերությունները կախված են այն հանգամանքից, թե արդյոք ամերիկյան կողմը կցանկանա Թուրքիայի իշխանություններին հանձնել իսլամական քարոզիչ Ֆեթուլլահ Գյուլենին, որին Թուրքիայի իշխանությունները կասկածում են պետական հեղաշրջման կազմակերպման մեջ, հայտարարել է Թուրքիայի ԱԳ նախարար Մեւլյութ Չավուշօղլուն: Այս մասին հայտնում է «ՌԻԱ Նովոստի»-ն:
«Ակնհայտ է, որ հեղաշրջման փորձի ետեւում կանգնած էր Գյուլենի կողմնակիցների ահաբեկչական կազմակերպությունը… Մենք ԱՄՆ-ի համապատասխան հաստատություններին ենք փոխանցել բոլոր անհրաժեշտ փաստաթղթերը եւ ապացույցները՝ նրան վտարելու եւ Թուրքիա վերադարձնելու պահանջներով»,- «Ռոսիա-24»-ի եթերում հայտարարել է Չավուշօղլուն:
Նրա խոսքով՝ «Թուրքիա Գյուլենի վերադարձը անչափ կարեւոր նշանակություն ունի», այդ թվում՝ ԱՄՆ-ի եւ Թուրքիայի հարաբերությունների համար: «Այժմ Թուրքիայի ժողովրդի շրջանում ԱՄՆ-ի իմիջը բացասական է: Մենք այդ մասին բարձրաձայնում ենք, չնայած ԱՄՆ-ի հետ համագործակցությունը շարունակում ենք, նրա դաշնակիցն ենք եւ ՆԱՏՕ-ի անդամ: Սակայն քանի դեռ Գյուլենը Թուրքիային չի հանձնվել, մեր ժողովրդի այդպիսի վերաբերմունքը (ԱՄՆ-ի նկատմամբ) կպահպանվի: Եթե նա չվերադարձվի, եւ մենք այդ մասին բացահայտ ենք հայտարարում, դա շատ բացասական ազդեցություն կունենա Ամերիկայի հետ մեր հարաբերությունների վրա: Սա ամենեւին սպառնալիք չէ, պարզապես հիմա այդպիսի մթնոլորտ է»,- նշել է Չավուշօղլուն:
