նախընտրելի դարձնելՀՀ նախագահ Սերժ Սարգսյանն այսօր՝ նոյեմբերի 3-ին, մասնակցել է ՀՀԿ Կենտրոն տարածքային սկզբնական կազմակերպության հաշվետու ժողովին: Այս մասին NEWS.am-ը տեղեկանում է ՀՀԿ կենտրոնական գրասենյակից։
Ժողովի օրակարգում եղել է կազմակերպության ղեկավարի հաշվետվությունը, կազմակերպության նախագահի և տեղակալների ընտրությունը, ինչպես նաև ՀՀԿ 16-րդ համագումարի պատվիրակների ընտրության հարցը: Ժողովը քվեարկության արդյունքում Սերժ Սարգսյանին ընտրել է համագումարի պատվիրակ:
Սերժ Սարգսյանը շնորհակալություն է հայտնել վստահության համար և պատասխանել ժողովի մասնակիցներին հետաքրքրող հարցերին:
