Որոշ գործարարներ վիրավոր զինծառայողներին եւ նրանց ընտանիքներին օգնում են, պարզապես ձգտում են դա չընդգծել: Այս մասին այսօր՝ նոյեմբերի 11-ին, ԱԺ-ում հայտարարել է պաշտպանության նախարար Վիգեն Սարգսյանը՝ ճյուղային հանձնաժողովում ելույթ ունենալով «Հայաստանի Հանրապետության պաշտպանության ժամանակ զինծառայողների կյանքին եւ առողջությանը պատճառված վնասի փոխհատուցման մասին» օրենքում լրացումներ կատարելու օրինագծի քննարկմանը:
Նրա խոսքով՝ այդ պատճառով բոլոր ձեռնարկատերերին շարունակ քննադատելու կարիք չկա: Նրանցից որեւէ մեկի բարեգործության մասին հնարավոր է պարզապես չիմանալ: «Իսկ եթե հանրությունը ցանկանում է, որպեսզի օլիգարխները եւ կոռուպցիոներները (կամ նրանք, ում այդպիսին են համարում) նվիրատվություններով քավեն մեղքը, ապա դա լավագույն ելքը չէ: Կոռուպցիոներների դեմ պետք է պայքարել, այլ ոչ թե նրանց սոցիալական արդարության կոչ անել»,- նշել է Սարգսյանը: