նախընտրելի դարձնել
ՀՀ ազգային անվտանգության խորհրդի քարտուղար Յուրի Խաչատուրովն այսօր ընդունել է Հայաստանի Հանրապետությունում Հնդկաստանի Հանրապետության արտակարգ եւ լիազոր դեսպան Սանգվան Յոգեշվարին:
Հանդիպման ընթացքում քննարկվել է Հայաստանի Հանրապետության եւ Հնդկաստանի Հանրապետության միջեւ երկկողմ հարաբերություններին վերաբերող հարցերի լայն շրջանակ:
Զրուցակիցներն ընդգծել են, որ երկու ժողովուրդների դարերից բխող բարեկամական հարաբերությունների վրա խարսխված միջպետական հարաբերությունները համագործակցության նորանոր ուղղություններ նախանշելու, փոխգործակցությունն առավել ամրապնդելու ամուր հիմք են հանդիսանում:
Յուրի Խաչատուրովն ու Սանգվան Յոգեշվարն համակարծիք են եղել, որ Հայաստանն ու Հնդկաստանը ունեն լայն հնարավորություններ եւ չօգտագործված ներուժ՝ զարգացնելու առեւտրատնտեսական հարաբերությունները, ընդլայնելու փոխգործակցությունը հեռանկարային մի շարք բնագավառներում, այդ թվում՝ անվտանգության ոլորտում:
Հանդիպմանը զրուցակիցներն անդրադարձել են նաեւ փոխադարձ հետաքրքրություն ներկայացնող, ինչպես նաեւ վերջին շրջանում տեղի ունեցած միջազգային եւ տարածաշրջանային զարգացումներին վերաբերող հարցերի:
